«elektr energiyasi» tegli maqolalar
«Eng katta qo‘rqqanim Sirdaryo IES yonib ketmasin dedim». Shavkat Mirziyoyev — energotizimdagi muammo haqida
Prezident seshanba kuni kuzatilgan energotizimdagi nosozlik haqida fikr bildirar ekan, aynan nimadan ko‘proq qo‘rqqanini ma’lum qildi. «Eng katta qo‘rqqanim Sirdaryo IES yonib ketmasin dedim. 1982 yo 1983 yil Sirdaryoda oltita stansiya ham yonib ketgan», — dedi Shavkat Mirziyoyev. Qolaversa, u tizimdagi rahbarlarga har daqiqada aholini vaziyatdan xabardor qilish bo‘yicha topshiriq berganini ta’kidladi.
O‘zbekistonda soat 16:00 gacha elektr energiya to‘liq tiklanishi kutilmoqda
Energetika vazirligi soat 16:00 da barcha hududlarda elektr energiyasi ta’minoti to‘liq tiklanishi rejalashtirilganini ma’lum qildi. Hozirda Andijon, Namangan va Farg‘ona viloyatlaridan tashqari barcha hudud to‘liq elektr energiya bilan ta’minlangan.
«Xalqimiz vaziyatni to‘g‘ri qabul qilib, sarosimaga tushmadi». Shavkat Mirziyoyev — energotizimdagi nosozliklar haqida
Prezident seshanba kuni energotizimda yuzaga kelgan nosozliklarga munosabat bildirib, uzoq hududlardagi texnogen ofatlar O‘zbekistonga ham o‘z ta’sirini o‘tkazmay qolmasligini ta’kidladi. «Xalqimiz vaziyatni to‘g‘ri qabul qilib, sarosimaga tushmadi. Avvalo sabr-toqatli xalqimizga, shuningdek, barcha soha va idoralar xodimlari, OAV va ijtimoiy tarmoq vakillariga o‘z minnatdorchiligimni bildiraman», — dedi Shavkat Mirziyoyev.
Ayrim hududlarga elektr energiya navbatma-navbat yetkazib beriladi, gazda ham uzilishlar kuzatilmoqda
Energetika vazirligi respublikaning ayrim hududlarida elektr energiya ta’minoti navbatma-navbat yetkazib berilishini ma’lum qildi. Bunga 64 ta gaz konining ishi vaqtincha to‘xtatilib, IESlarda ishlab chiqarish hajmi qisqarishi sabab bo‘lgan. Qolaversa, Farg‘ona vodiysi, Surxondaryo va Toshkent viloyati hamda poytaxtning ayrim joylarida gaz pasaygan yoki umuman o‘chgan.
Afg‘onistonga elektr yetkazib berish IESdagi muammolar tufayli vaqtincha qisqardi
Tallimarjon IESdagi nosozliklar tufayli Afg‘onistonga elektr energiyasi yetkazib berish vaqtincha to‘xtatildi. 13 yanvar kuni ertalabga kelib elektr ta’minoti tiklandi, deya xabar qildi Afg‘oniston energetika kompaniyasi.
O‘zbekiston va Afg‘oniston 2022-yilda elektr energiyasi yetkazib berish bo‘yicha shartnoma tuzdi
O‘zbekiston 2022-yilda Afg‘onistonga 2 mlrd kVt soat elektr energiyasini yetkazib beradi. Buni nazarda tutuvchi kelishuv Toshkentda imzolandi, uning umumiy qiymati 100 mln dollarni tashkil etadi.
Afg‘onistonga elektr yetkazib berishning qisqarishi EULdagi ta’mirlash bilan bog‘liq — Energetika vazirligi
Energetika vazirligi O‘zbekistondagi texnik muammolar tufayli Afg‘onistonning 15 provinsiyasi, jumladan, Kobulda elektr ta’minotida uzilishlar kuzatilgani haqidagi xabarlarga izoh berdi.
O‘zbekiston elektr energiyasi eng arzon davlatlar o‘nligiga kirdi — reyting
Britaniyaning Cable portali tuzib chiqqan reytingda O‘zbekiston elektr energiyasi eng arzon davlatlar o‘nligiga kirdi. Ushbu o‘nlikdan Qirg‘iziston va Tojikiston ham o‘rin olgan.
«O‘zbekgidroenergo» investitsiya dasturlari O‘zbekistonda dekarbonizatsiyaga yordam beradi — Fitch Rating
Fitch Rating agentligi prognozlariga ko‘ra, «O‘zbekgidroenergo» investitsiya dasturlari 2030 yilga kelib elektr energiyasi ishlab chiqarishda issiqlik elektr stansiyalari ulushini 75 foizdan kamroq darajagacha qisqartirish imkonini beradi.
O‘n oyda 57,1 mlrd kVt soat elektr energiyasi ishlab chiqarilgan
Yanvar-oktabr oylarida yirik korxonalar tomonidan 57,1 mlrd kVt soat elektr energiyasi ishlab chiqarildi. Elektr energiyasi ishlab chiqarish hajmi 2020 yilning mos davriga nisbatan 4,9 mlrd kVt soatga yoki 9,4% ga o‘sgan. Avvalroq Energetika vazirligi suv tanqisligi tufayli mamlakat GESlarida elektr energiyasi ishlab chiqarish hajmi qariyb 23 foizga kamayganligini ma’lum qilgan edi.
2022 yilda elektr energiyasi va tabiiy gaz tarif narxlari oshirilishi kutilmoqda
Hisob palatasi 2022 yilda energiya resurslari, jumladan, elektr energiyasi, tabiiy gaz, issiq suv va issiqlik energiyasi, sovuq suv va kanalizatsiya tariflari narxlari oshirilishini ma’lum qildi. Shuni hisobga olgan holda, asosiy iste’mol tovarlari va xizmatlar narxlari o‘sish sur’atlarini sezilarli darajada pasaytirish yuzasidan tavsiyalar berilgan.
Suv tanqisligi tufayli GESlarda ishlab chiqarish hajmi qariyb 25 foizga kamaygan
O‘zbekistonda suv sathining pastligi tufayli gidroelektr stansiyalari unumdorligi 23 foizga kamaydi, bu esa mamlakatning ayrim hududlarida elektr ta’minotida qisqa muddatli uzilishlarga olib keldi, deb xabar berdi Energetika vazirligi.
Davlat ilk bor aholidan elektr energiya sotib oldi
Toshkentlik fuqaro o‘z uyida quyosh foto elektr stansiyasini o‘rnatib, unda ishlab chiqarilgan elektr energiyasini sotish bo‘yicha hududiy elektr tarmoqlari korxonasi bilan shartnoma imzoladi.
O‘zbekiston va Turkmaniston elektr energiya yetkazib berish bo‘yicha qo‘shimcha kelishuv imzoladi
Turkmanistondan O‘zbekistonga elektr energiyasi yetkazib berish haqidagi kelishuv yana bir yilga uzaytirildi. Umumiy hajmlar va narxlar oshkor qilinmadi, ammo ITSV rahbarining birinchi o‘rinbosari Laziz Qudratovning so‘zlariga ko‘ra, tariflar avvalgi darajada saqlanib qolgan.
Afg‘oniston elektr energiyasi importi bo‘yicha qo‘shni davlatlardan 62 mln dollar qarzdor
Afg‘onistonning energetika kompaniyasi O‘zbekiston, Tojikiston, Turkmaniston va Erondan 51 mln dollar qarzdor ekanligi ma’lum bo‘ldi. Kompaniya vakillari BMTning Afg‘onistondagi yordam dasturidan qarzni to‘lash uchun 90 mln dollar mablag‘ so‘rab murojaat qilishgan.
Qirg‘izistonda elektr energiyasini tejash uchun ko‘cha chiroqlarini yoqish taqiqlandi
Qirg‘iziston Milliy energoxoldingi mamlakatda energetika inqirozi kuzatilayotgani ortidan nomaishiy iste’molchilar, jumladan kafe va do‘konlarga kuz-qish mavsumida ko‘cha chiroqlari va reklama yoritkichlarini yoqishni taqiqladi.
Besh yil ichida O‘zbekiston YAIMni kamida 100 mlrd dollarga yetkazishni rejalashtirmoqda — prezident
Yaqin 5 yilda O‘zbekiston iqtisodiy o‘sishni 1,5 barobarga oshirishni va YAIMni kamida 100 mlrd dollarga yetkazishni rejalashtirmoqda, dedi prezident. Shu munosabat bilan, elektr ta’minoti uchun 6,5 mlrd dollarlik 19 ta loyiha bo‘yicha qo‘shimcha quvvatlar joriy etiladigan minglab sanoat korxonalarini ishga tushirish rejalashtirilgan.
Jahon banki O‘zbekistonda elektroenergetika sohasini rivojlantirish uchun 380 mln dollar ajratadi
Jahon banki O‘zbekistonga elektroenergetika sohasini rivojlantirish uchun 380 mln dollar miqdorida imtiyozli kredit ajratadi.
Deputatlar iqtisodchining energetika sohasida islohotlar qachon boshlanishi haqidagi savolini tanqid qildi
Qonunchilik palatasining ikki nafar deputati iqtisodchi Yuliy Yusupovning O‘zbekiston energetika sohasini isloh qilish qachon boshlanishi so‘rab, e’lon qilgan postini tanqid ostiga oldi. Xalq vakillarining ta’kidlashicha, mamlakat energetika sohasida allaqachon, salmoqli ishlar bajarilgan, hozirgi uzilishlar esa — «yillar davomida to‘planib qolgan muammolarning oqibati».
Tojikistondan O‘zbekistonga elektr energiyasi yetkazib berilishi to‘xtatildi
Tojikiston O‘zbekistonga elektr energiyasi yetkazib berishni to‘xtatdi. Ushbu qaror mamlakatning barcha daryolarida suv oqimi kamayishi natijasida cheklovlar joriy etilgani sababli qabul qilindi.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- Xonanda Shirin Abdullayeva 19 yoshida vafot etdi (1)
- O‘zbekistonning har bir tuman va shahrida kamida bittadan inklyuziv maktab tashkil etiladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- Video: Buxorodagi xonadonda gaz portladi
Qo‘shimcha imkoniyatlardan foydalanish uchun saytda ro‘yxatdan o‘ting